म्याद नाघेको वस्तु बिक्री गर्ने काष्ठमण्डप खाद्य उद्योगलाई तीन लाख जरिवाना
<p>काठमाडौं। म्याद नाघेको तयारी खाद्य पदार्थ बिक्री गरेको भेटिएपछि काष्ठमण्डप खाद्य उद्योगलाई तीन लाख रूपैयाँ जरिवाना गरिएको छ।</p>
<p>वाणिज्य, आपूर्ति तथा उपभोक्ता संरक्षण विभागले गरेको बजार अनुगमनका क्रममा म्याद नाघेको तयारी खाद्य पदार्थ बिक्री गरेको पाइएपछि उद्योगलाई जरिवाना गरिएको हो।</p>
<p>विभागका अनुसार आज अनुगमन गर्दा उद्योगले म्याद नाघेको खाद्य वस्तु उत्पादन र बिक्री गरेको भेटिएको थियो।</p>
<p>उपभोक्ता संरक्षण ऐन २०७५ को १६(२)(क) बमोजिम अनुचित व्यपारिक क्रियाकलाप गरेकाले ३८ (ङ) को कसुरमा ३९ (१)(ख) बमोजिम तीन लाख रूपैयाँ जरिवाना गरेको विभागले ट्वीट गरेर जनाएको छ।</p>
<p>यसअघि सोही उद्योगमा उत्पादित २५० ग्रामको लाखमरी बढी मूल्यमा बेचेको पाइएपछि वाणिज्य विभाले भाटभटेनी सुपरमार्केटलाई तीन लाख जरिवाना गरिसकेको छ।</p>
<p>कारवाहीपछि भाटभटेनीले काष्ठमण्डप उद्योगबाट उत्पादित ल्याएको लाखमरी बेचेको र त्यसको मूल्यसमेत सोही उद्योगले निर्धारण गरेको बताएको थियो।</p>
प्रतिक्रिया दिनुहोस्
.jpg)
