इटहरी जनता क्याम्पसको क्वारेन्टाइनमा रहेकामध्ये २० जनाको कोभिड-१९ रिपोर्ट नेगेटिभ
<p>इटहरी। जनता क्याम्पसको क्वारेण्टाइनमा राखिएकामध्ये २० जनाको कोभिड-१९ नतिजा नेगेटिभ आएको छ।</p>
<p>इटहरी उपमहानगर स्वास्थ्य शाखा प्रमुख रामचरण चौधरीका अनुसार कोशी अस्पताल विराटनगरमा गरिएको पीसीआर परीक्षणमा उनीहरूको रिपोर्ट नेगेटिभ आएको हो।</p>
<p>उनीहरूको दुई दिनअघि थ्रोट स्वाब संकलन गरेर पठाइएको थियो।</p>
<p>जनता क्याम्पसको क्वारेण्टाइनमा रहेका १२ जनाको यसअघि नै बीपी कोइराला स्वास्थ्य विज्ञान प्रतिष्ठानमा पीसीआर परीक्षण नतिजा नेगेटिभ आएको चौधरीले बताए।</p>
<p>क्वारेण्टाइनमा रहेका अन्यको पनि नमूना संकलन भइरहेको छ। क्याम्पसको क्वारेन्टाइनमा १३ नेपाली, ६० भारतीय र सातजना पाकिस्तानी नागरिक छन्।</p>
प्रतिक्रिया दिनुहोस्
.jpg)
