अछाम अस्पतालको आइसोलेसनमा उपचाररत् महिलाको मृत्यु, थ्रोट स्वाब परीक्षण गरिँदै
<p>कैलाली। ज्वरो आएपछि अछाम जिल्ला अस्पतालको आइसोलेसनमा उपचाररत् एक महिलाको मृत्यु भएको छ।</p>
<p>मंगलसेन नगरपालिका-५ की ५१ वर्षीया देवु सार्कीको आज बिहान मृत्यु भएको अछामका कोभिड-१९ सम्पर्क व्यक्ति देवदत्त जोशीले बताए।</p>
<p>जोशीका अनुसार ज्वरो आएपछि ती महिलालाई तीन दिनअघि अस्पताल भर्ना गरिएको थियो।</p>
<p>आरडीटी विधिबाट गरिएको उनको कोभिड-१९ परीक्षणको नतिजा नेगेटिभ आएपछि थ्रोट स्वाब संकलन गरिएको थिएन्।</p>
<p>तर, आज बिहान मृत्यु भएपछि थ्रोट स्वाब संकलन गरी परीक्षणका लागि सुर्खेत पठाईएको जोशीले जानकारी दिए।</p>
<p>भारतमा रहेका उनका छोरा केही साता अगाडि घर आएको बताइएको छ।</p>
प्रतिक्रिया दिनुहोस्
.jpg)
