लकडाउनमा घरमा लुकेर बसेका नेत्रविक्रम चन्द समूहका केन्द्रीय सदस्य पक्राउ
<p>सुर्खेत। प्रहरीले नेत्रविक्रम चन्द समूहका केन्द्रीय सदस्य बालाराम सुनारलाई पक्राउ गरेको छ।</p>
<p>जिल्ला प्रहरी कार्यालयबाट खटिएको टोलीले सुनारलाई आज घरबाटै पक्राउ गरेको हो ।</p>
<p>प्रहरी निरीक्षक गोपाल रायमाझीले लकडाउनमा घरमा आएर लुकीछिपी बसेको सूचना पाएपछि वीरेन्द्रनगर-४ स्थित घरबाट सुनारलाई पक्राउ गरिएको जानकारी दिए।</p>
<p>सुनारमाथि दुई महीनाअघि पश्चिम सुर्खेतमा प्रहरीसँग आक्रमण तथा जबरजस्ती चन्दा असुलीमा संलग्न रहेको लगायतका आरोप रहेको प्रहरीले जनाएको छ।</p>
<p>सुनार चन्द समूहका पूर्वजिल्ला इञ्चार्जसमेत रहेको बताइएको छ।<em> रासस</em></p>
प्रतिक्रिया दिनुहोस्
.jpg)
