एक महीनादेखि धार्चुलाको क्वारेन्टाइनमा रहेका २६ सय नेपालीको उद्धार
<p>कैलाली। गएको १३ चैतदेखि भारतको पिथौरागढस्थित् धार्चुला र झुलाघाटका क्वारेन्टाइनमा रहेका दुई हजार ५९५ जना नेपाली मजदुरको उद्धार गरिएको छ।</p>
<p>क्वारेन्टाइन अवधि सकिए पनि नेपाल प्रवेको अनुमति नपाउँदा समस्यामा परेका उनीहरूको आज बिहानैदेखि उद्धार शुरू गरिएको थियो।</p>
<p>पिथौरागढको धार्चुलाबाट दार्चुलाका दुईवटा नाका भएर एक हजार २९६ जना दार्चुला भित्रिएका छन्।</p>
<p>जसमा बैतडी, बझाङका नागरिकलाई दत्तु नाका भएर प्रवेश गराइएको छ। त्यहाँबाट ९२० जना नेपाल भित्रिएका छन् </p>
<p style="text-align:center"><img alt="" height="720" src="https://www.dekhapadhi.com/storage/photos/shares/COVID-19/Mahakali-yatayat-bus.jpg" width="960" /></p>
<p>दार्चुला लगायत अन्य जिल्लाकालाई खलंगा नाका भएर प्रवेश दिइएको दार्चुलाका प्रमुख जिल्ला अधिकारी यदुनाथ पौडेलले बताए।</p>
<p>उनले खलंगा नाका भएर ३७६ जना भित्रिएको बताए। दार्चुला भएर फर्कनेहरूमा बैतडीका ४६४, बझाङका २३८ र बाँकी दार्चुला, कैलाली र कञ्चनपुरका गरि ५९४ जना रहेका छन्।</p>
<p>त्यस्तै, बैतडीको झुलाघाट नाका भएर एक हजार २९९ जना नेपाल भित्रिएको बैतडीका प्रमुख जिल्ला अधिकारी आनन्द पौडेलले बताए।</p>
<p>उनले उद्धारपछि उनीहरूलाई सम्बन्धित् स्थानीय तहमा पठाउन शुरू गरिएको बताए।</p>
<p style="text-align:center"><img alt="" height="720" src="https://www.dekhapadhi.com/storage/photos/shares/COVID-19/Nepali-Darchula-1.jpg" width="960" /></p>
<p>उद्धार गरिएका सबैलाई सम्बन्धित् स्थानीय तहका क्वारेन्टाइनमा राख्ने गरी पठाउने सहमति भएको स्थानीय प्रशासनले जनाएको छ।</p>
<p>क्वारेन्टाइनमा राखिएकाहरूको उद्धार शुरू भएपछि भारतमा रहेका अन्य नेपाली पनि फर्किएका छन्। धार्चुला र आसपासको क्षेत्रमा काम गर्दै आएका नेपालीहरू फर्किएका हुन्।</p>
प्रतिक्रिया दिनुहोस्
.jpg)
