स्वास्थ्य सामग्री ल्याउन चीनको चाङ्शा उड्यो हिमालय एअरलाइन्स
<p>काठमाडौं। कोभिड-१९ को उपचार तथा रोकथाममा प्रयोग हुने अत्यावश्यक स्वास्थ्य सामग्री लिन हिमालय एअरलाइन्सको विमान चीनको चाङ्शा उडेको छ ।</p>
<p>हिमालय एअरलाइन्सको न्यारोबडी विमान आज साँझ ६ बजे त्रिभुवन अन्तर्राष्ट्रिय विमानस्थलबाट चाङ्शाका लागि उडान भरेको कम्पनीले जनाएको छ।</p>
<p>विमान आज राति १२ बजेर ५ मिनेटमा चाङ्शास्थित हुवानघुवा अन्तर्राष्ट्रिय विमानस्थलमा अवतरण गर्नेछ।</p>
<p>एअरवस ३२० कलसाइन नाइनए एएलडब्लू कार्गो विमान भोलि, १९ वैशाख बिहान ६ बजेर ४० मिनेटमा काठमाडौं विमानस्थलमा अवतरण गर्ने तालिका रहेको छ।</p>
<p>चीनबाट स्वास्थ्य सामग्री ल्याउनका लागि चार्टर्ड उडान गरिएको कम्पनीका ब्राण्ड तथा सेवा सुधार विभाग प्रमुख उज्ज्वला दलीले बताए।</p>
<p>यसअघि १४ वैशाखमा पनि विमानले चीनको ग्वाङ्जाओमा चार्टर्ड उडान गरेको थियो ।</p>
<p>उक्त कार्गो विमानले चिकित्सा उपकरण, परीक्षण किट, व्यक्तिगत सुरक्षा उपकरण (पीपीई), मास्क र पञ्जालगायत अन्य कोभिड-१९ को रोकथाम तथा उपचारमा प्रयोग हुने औषधिजन्य सामग्री ल्याउनेछ। <em>रासस</em></p>
प्रतिक्रिया दिनुहोस्
.jpg)
