कोरोना भाइरस संक्रमित महिलाको छैटौं रिपोर्ट पनि पोजिटिभ
<p>कैलाली। धनगढीकी कोरोना भाइरस संक्रमित महिलाको छैटौं रिपोर्ट पनि ‘पोजिटिभ’ आएको छ। २८ दिनदेखि सेती अस्पतालमा उपचाररत धनगढी-५ की ३४ वर्षीय महिलाको छैटौंपटक गरिएको थ्रोट स्वाब परीक्षणमा कोभिड-१९ पोजिटिभ आएको हो।</p>
<p>अस्पतालका सूचना अधिकारी दिलिप श्रेष्ठका अनुसार २२ चैतमा उनमा कोरोना भाइरसको संक्रमण पुष्टि भएको थियो। हालसम्म सबै रिपोर्ट सबै पोजिटिभ आएको उनले जानकारी दिए।</p>
<p>उनीसँगै अस्पताल भर्ना भएका दुईजना र अन्य दुईजना कोरोना संक्रमित भने निको भएर डिस्चार्ज भइसकेका छन्। </p>
<p>लम्कीचुहा नगरपालिकाका २१ वर्षीय युवक र धनगढी-५ का ३४ वर्षीय युवक, कञ्‍चनपुरको वेदकोट नगरपालिकाका ४० वर्षीय पुरुष र लम्कीचुहा-१ की ५० वर्षीया महिला अस्पतालबाट डिस्चार्ज भइसकेका छन्।</p>
<p>अस्पतालको आइसोलेसमा ती महिलाको उपचार भइरहेको छ। उनको स्वास्थ्य अवस्था सामान्य रहेको अस्पतालका कोभिड-१९ उपचार विभाग प्रमुख डा. शेरबहादुर कमरले बताए। कोरोनाको रिपोर्ट पोजिटिभ देखिए पनि उनमा कुनै समस्या नभएको उनले जानकारी दिए।</p>
<p>४० दिनभन्दा बढी कोरोना पोजिटिभ देखिएका थुप्रै उदाहरण रहेको बताउँदै डा. कमरले संक्रमित महिलालाई कुनै समस्या नदेखिएका कारण आत्तिहाल्नुपर्ने अवस्था नरहेको बताए।</p>
<p><strong>यो पनि पढ्नुहोस्</strong><br />
<a href="https://dekhapadhi.com/news/11686" target="_blank">कोरोनालाई जितेर छिट्टै घर फर्किन्छुः संक्रमित महिला</a></p>
प्रतिक्रिया दिनुहोस्
.jpg)
