आइसोलेसनमा भर्ना भएकी महिलाको मृत्यु
<p>अछाम। जिल्ला अस्पतालको आइसोलेसन वार्डमा उपचाररत एक महिलाको बिहीबार मृत्यु भएको छ।</p>
<p>जिल्ला प्रहरी कार्यालयका अनुसार मृत्यु हुनेमा मंगलसेन-५ की ५१ वर्षीय देवु विक छन्। एकाएक उच्च ज्वरो खाएपछि उनलाई १५ वैशाखमा अस्पतालको आइसोलेसन वार्डमा भर्ना गरिएको जिल्ला स्वास्थ्य कार्यालय प्रमुख झनकराज ढुंगानाले बताए।</p>
<p>“उच्च ज्वरो आएपछि आइसोलेसन वार्डमा राखेर उपचार शुरु गरेका थियौं, उहाँको कोभिड-१९ को आरडीटी परीक्षणको रिपोर्ट नेगेटिभ छ, मृत्युको कारणबारे थप बुझ्दैछौं,” ढुंगानाले भने। </p>
<p>मृत्यु भएकी महिलाको कोरोना भाइरसको पीसीआर परीक्षणका लागि स्वाब संकलन गरी सुर्खेत पठाइएको छ। <strong>रासस</strong></p>
प्रतिक्रिया दिनुहोस्
.jpg)
