पानी तिरतिरे- तमोरको गीत, अस्ट्रेलियाको दृश्य
<p>काठमाडौं। २३ वर्षअघि गायक अमृत गुरुङ तेह्रथुमको वसन्तपुर हुँदै ताप्लेजुङतिर उक्लिँदै थिए। बाटोमा गीतको हरफ भेटे- ‘पानी तिरतिरे, ल्याउ भन्थे बाबैले, मार्‍यो पिरतीले’।</p>
<p>१७ वर्षअघि यो गीत नेपथ्य ब्यान्डले बजारमा ल्याएको थियो। र, भरखरै यस गीतले दृश्‍य पाएको छ। गुराँसको राजधानी मानिने तीनजुरे-मिल्के-जलजले क्षेत्रमा पर्ने गुफापोखरी नजिक देउरालीमा दुई तन्नेरीले गुरुङलाई यो गीत पहिलो पटक गाएर सुनाएका थिए।</p>
<p>सन् २००३ मा ‘भेडाको ऊनजस्तो’ एल्बममा यो गीत समेटिएको थियो।</p>
<p>खासमा, यो गीत तमोर नदीको किनारै किनार घाँस दाउरा गर्नेहरूको गुनगुनबाट निस्केको मानिन्छ। र, नेपथ्यको शिल्प पाएर ‘लोक रक’सम्मको यात्रा गरेको थियो।</p>
<p>भरखरै यस गीतलाई भिडिओका साथ नेपथ्यले युट्युबमा सार्वजनिक गरेको छ। </p>
<p>गायक गुरुङका अनुसार यस गीतमा समेटिएका दृश्‍य अस्ट्रेलियाको अलडिंगा समुद्री किनारमा खिचएको हो।</p>
प्रतिक्रिया दिनुहोस्
.jpg)
