पानीजहाजले भरियो मनिला खाडी
<p>मनिला। मनिला खाडीको किनारमा उभिएर बीबीसी संवाददाताले समुद्रमा लाइन लगाइएका पानीजहाजको गिन्ती गरे। करिब पाँच किलोमिटर टाढासम्म बन्दरगाह इलाकामा १२ वटा पानीजहाज लाइनमा थिए।</p>
<p>मनिलाको समुद्री किनार यतिबेला व्यस्त छ। किनकि, क्रुज सिपमा काम गर्ने फिलिपिन्सका नागरिक धमाधम घर फिरिरहेका छन्। </p>
<p>फिलिपिन्स कोस्ट गार्डका अनुसार करिब दुई हजार क्रु मेम्बरलाई १४ दिनसम्म अनिवार्य क्वारेन्टाइनमा बस्न भनिएको छ। उनीहरूले घर फर्किनुअघि अनिवार्य क्वारेन्टाइनमा बिताउनुपर्नेछ।</p>
<p>विदेशी क्रु मेम्बरहरूलाई पनि चार घण्टाभित्र जहाजको उडान भए मात्र समुद्रबाट मुख्य भूमिमा आउन दिने नियम सरकारले बनाएको छ।</p>
<p>बीबीसी संवाददाताले पानीजहाजमा रहेकी एक बेलायती क्रु मेम्बरलाई सम्पर्क गरे। उनले आफू ५० दिनदेखि समुद्रमा रहेको र एउटा सानो क्याबिनमा भौतिक दूरी र सेल्फ आइसोलेसन पालना गरिरहेको जवाफ दिइन्।</p>
<p>उनले मानसिक थकान महशुस गरिरहेकी छन्। उनको भनाइमा समुद्रमा थुनिएका पानीजहाजका हजारौं क्रु मेम्बरहरूलाई सबै बिर्सिएको महशुस भइरहेको छ।</p>
प्रतिक्रिया दिनुहोस्
.jpg)
