कैलालीका व्यवसायीले गरे ब्याज मिनाहाकाे माग
<p>कैलाली। कैलाली उद्योग वाणिज्य संघले लकडाउनका कारण उद्योग, व्यापार क्षेत्र धरासायी भएको भन्दै लकडाउन अवधिको सम्पूर्ण ब्याज मिनाहा गर्न सरकारसँग माग गरेकाे छ।</p>
<p>कैलाली उद्योग वाणिज्य संघका अध्यक्ष पुष्पराज कुँवरले कैलालीका प्रमुख जिल्ला अधिकारी यज्ञराज बोहरामार्फत् आज सरकारलाई ज्ञापनपत्र बुझाउँदै ब्याज मिनाहा गर्न आग्रह गरेका हुन्।</p>
<p>‘व्यवसायी बाँचे भने मात्र बैंकरूले मुनाफा कमाउने हुन्। यतिबेला व्यापारव्यवसाय ठप्प हुँदा व्यवसायीहरू निराश र हतोत्साही छन्’, ज्ञापनपत्रमा उल्लेख छ, ‘व्यवसायीहरूको यो अवस्थालाई बुझेर लकडाउन अवधिभरको सम्पूर्ण ब्याज मिनाहा गरिदिन हुन प्रधानमन्त्रीलाई आग्रह गर्दछाैं। लकडाउन अवधिको ब्याज मिनाहा नभए व्यवसायीहरू व्यवसाय गर्न सक्ने अवस्थामा नरहने जानकारी गराउँदछाैं।’</p>
प्रतिक्रिया दिनुहोस्
.jpg)
