आँखाको उपचार गर्न महिला फुटबलर समिक्षालाई एन्फाको सहयोग
<p>काठमाडौं। अखिल नेपाल फुटबल संघ (एन्फा) ले दुर्घटनामा परेर आँखा गुमाएकी महिला फुटबलर समिक्षा मगरको उपचारका लागि २५ हजार रूपैयाँ सहयोग गरेको छ।</p>
<p>यु-१६ टीमकी सदस्य समिक्षाको उदयपुरस्थित घरको खेतमा काम गर्ने क्रममा दायाँ आँखामा चोट लागेको थियो।</p>
<p><img alt="" height="640" src="https://www.dekhapadhi.com/storage/photos/shares/Sports/samikshya footballar.jpg" width="960" /></p>
<p>शुरूमा सामान्य देखिए पनि उनको आँखाको शल्यक्रिया गर्नुपर्ने अस्पतालले जनाएको छ।</p>
<p>समिक्षा अहिले विराटनगर आँखा अस्पतालमा उपचाररत् छिन्।</p>
<p>एन्फाको तर्फबाट सहायक महासचिव बसन्त अर्यालले अस्पताल परिसरमा समिक्षाका अभिभावकलाई सहयोग रकम हस्तान्तरण गरेका छन्।</p>
<p>यो पहिलो चरणको सहयोग भएको र आवश्यक परे आगामी दिनमा पनि सहयोग गर्ने एन्फाले जनाएको छ।</p>
<p>यसअघि एन्फाका सदस्य रूपेश अधिकारी अध्यक्ष रहेको विराट सांग्रिला क्लबले समिक्षालाई २५ हजार रुपैयाँ सहयोग गरेको थियो।</p>
प्रतिक्रिया दिनुहोस्
.jpg)
