प्रदेश २ मा दुई हजार ३१० को स्वाब नमूना संकलन
<p>जनकपुरधाम। काेभिड-१९ परीक्षणका लागि प्रदेश २ मा आज ९२ जनाको स्वाबको नमूना संकलन गरिएको छ।</p>
<p>यो सँगै अहिलेसम्म प्रदेशमा दुई हजार ३१० जनाको स्वाबको नमूना सङ्कलन गरिएको छ। तीमध्ये एक हजार ४४५ जनाको नमूना परीक्षण गर्दा एक हजार ४३३ जनाको नतिजा नेगेटिभ आएको छ भने ८६५ जनाको नतिजा आउन बाँकी रहेको यहाँ आयोजित पत्रकार सम्मेलनमा सामाजिक विकास मन्त्रालयका सचिव डा. रामप्रसाद घिमिरेले जानकारी दिए।</p>
<p>उनका अनुसार यो प्रदेशका कोरोना संक्रमित १२ जनामध्ये चारजना उपचार गराई घर फर्किसकेका छन् भने आठजनाको उपचार भइरहेको छ। यो प्रदेशभित्र विगत २४ घण्टामा आरडीटी परीक्षण नभएको र सोभन्दा पहिले पाँच हजार ९१ जनाको परीक्षण गरिएको उनले बताए।</p>
<p>यस प्रदेशअन्तर्गतका विभिन्न क्वारेन्टाइनमा एक हजार ३७२, होम क्वारेन्टाइनमा चार हजार ५८७ र आइसोलेसनमा २५ जना छन्। <em>रासस</em></p>
प्रतिक्रिया दिनुहोस्
.jpg)
