लकडाउन खुकुलो पार्दै अर्थतन्त्र चलायमान बनाउन चेम्बरको माग
<p>काठमाडौं। नेपाल चेम्बर अफ कमर्सको प्रतिनिध मण्डलले मुख्यसचिव लोकदर्शन रेग्मीलाई भेटेर लकडाउनको मोडालिटी परिवतर्तन गर्न माग गरेको छ।</p>
<p>चेम्बरले उद्योग, वाणिज्य, कृषि, उर्जा, पर्यटन र स्वास्थ क्षेत्रलाई पुनरुत्थान गर्न देशको अर्थतन्त्रलाई चलायमान बनाउन लकडाउनलाई खुकुलो बनाउनुपर्नेमा जोड दिएको हो।</p>
<p>चेम्बरले कोभिड-१९ को संक्रमित नभेटिएका क्षेत्रमा बिस्तारै लकडाउन हटाउन र एक ठाँउका मान्छेलाई अर्को ठाँउमा जान नदिने गरी निश्चित क्षेत्रमा लकडाउन गर्न सकिने राय दिएको हो।</p>
<p>मुख्यसचिवसँगको छलफलमा चेम्बरका अध्यक्ष राजेशकाजी श्रेष्ठ, वरिष्ठ उपाध्यक्ष राजेन्द्र मल्ल र उपाध्यक्ष कमलेशकुमार अग्रवाल सहभागी थिए।</p>
<p>चेम्बरले काठमाडौंमा रहेका उद्योगलाई संचालन गर्न दिन पनि माग गरेको छ। यसो गर्दा यसो गर्दा उपत्यकामा भएका श्रमिकले रोजगारी पाउने उसको ठहर छ।</p>
<p> </p>
प्रतिक्रिया दिनुहोस्
.jpg)
