डेरा बस्ने विद्यार्थीलाई २५०० बराबरको राहत दिने नगरपालिकाको निर्णय
<p>दार्चुला। दार्चुलाको शैल्यशिखर नगरपालिकाले अध्ययनको क्रममा बाहिर डेरा गरी बसेका विद्यार्थीहरूलाई राहत सहयोग गर्ने भएको छ।</p>
<p>काठमाडौ, धनगढी, महेन्द्रनगर लगायतका शहरहरुमा डेरा गरी बस्ने विद्यार्थीहरुलाई नगरपालिकाले दुई हजार ५०० बराबरको राहत उपलब्ध गराउने भएको हो। </p>
<p>एक सूचना जारी गर्दै नगरबाहिर डेरा गरी बस्ने विद्यार्थीलाई राहत दिने जानकारी गराएको छ।</p>
<p>राहत उपलब्ध गराउन सम्बन्धित वडा कार्यालयको सिफारिस, अध्ययनरत् क्याम्पसको परिचयपत्रको प्रतिलिपि, नेपाली नागरिकता प्रमाणपत्रको प्रतिलिपि, आफू नियमित रूपमा अध्ययनरत रहेको स्व:घोषणा र क्याम्पस संचालन भएपछि क्याम्पसबाट सिफारिस पेश गर्नुपर्नेछ। </p>
<p>लकडाउनका कारण अलपत्र परेका डेरामा बस्ने विद्यार्थीलाई उद्धार गर्न नसकिएकोले राहत नै उपलब्ध गराउने निर्णय गरिएको नगर प्रमुख अमरसिंह धामीले बताए।</p>
प्रतिक्रिया दिनुहोस्
.jpg)
