थानकोट वृत्तका ६ जना प्रहरीलाई सेल्फ क्वारेन्टाइनमा राखियो
<p>काठमाडौं। महानगरीय प्रहरी वृत्त थानकोटमा कार्यरत् ६ जना प्रहरी कर्मचारीलाई क्वारेन्टाइनमा राखिएको छ।</p>
<p>१२ वैशाखपछि विभिन्‍न मितिमा कार्यालयमा हाजिर भएका उनीहरूलाई सेल्फ क्वारेन्टाइनमा राखिएको हो।</p>
<p>उनीहरू बारा, सप्तरी, रौतहट र कञ्चनपुरबाट हाजिर हुन आएका वृत्तले जनाएको छ।</p>
<p>चन्द्रागिरी नगरपालिका-४ का सानुकाजी शाहीले क्वारेन्टाइनका लागि निःशुल्क उपलब्ध गराएको भवनमा उनीहरू बसेका छन्।</p>
<p>उनीहरू सबैको थ्रोट स्वाब नमूना संकलन गरी कोभिड-१९ परीक्षण गराएर नियमित ड्युटीमा खटाइने बताइएको छ। </p>
<p>वृत्तले चन्द्रागिरी नगरपालिका क्षेत्रमा बाहिरी जिल्लाबाट आएका व्यक्तिहरुलाई सेल्फ क्वारेन्टाइनमा बसिदिन अनुरोध पनि गरेको छ। </p>
<p>वडा, टोल, छिमेकमा कोही व्यक्ति अन्य जिल्लाबाट आएर बसेको भए तत्काल वडा कार्यालय, प्रहरी कार्यालयमा जानकारी दिन पनि वृत्तको आग्रह छ।</p>
प्रतिक्रिया दिनुहोस्
.jpg)
