एकजना संक्रमित भेटिएपछि नेपालगञ्जका चार स्थान 'सिल' गरियो
<p>बाँके। बाँकेमा आज एकजना कोरोना सङ्क्रमित भेटिएपछि उच्च सतर्कता अपनाइएको छ।</p>
<p>जिल्ला प्रशासन कार्यालयमा बसेको सुरक्षा संयन्त्रको बैठकले नेपालगञ्जको डीएसपी रोड, धम्बोझी, एकलैनी र महेन्द्र पार्क आसपासका क्षेत्र बन्द गरेको छ।</p>
<p>नेपालगञ्जका यी क्षेत्र साँघुरा र घनाबस्तीयुक्त हुन्।</p>
<p>आज संक्रमित बाँके नेपालगञ्जका ६० वर्षीय पुरूष भारतको सीमा क्षेत्र बहराइचबाट करीब एक महिनाअघि नेपाल फर्किएका थिए।</p>
<p>उनलाई क्वारेन्टाइनमा राखिएको थियो ।</p>
<p>महेन्द्र बहुमुखी क्याम्पसको क्वारेन्टाइनबाट झन्डै ६०० जना भागेका थिए । यी संङ्क्रमित पनि भाग्नेमध्ये भएको प्रहरी स्रोतले बताएको छ।</p>
<p>उनका श्रीमती र छोरा तथा सम्पर्कमा आएका व्यक्तिहरूको पनि कोभिड-१९ परीक्षण गर्न लागिएको स्वास्थ्य कार्यालय बाँकेका फोकल पर्सन नरेशबाबु श्रेष्ठले बताए। <em>रासस</em></p>
प्रतिक्रिया दिनुहोस्
.jpg)
