कोभिड-१९ को उपचारका लागि अमेरिकाले दियो इबोलाको औषधीमा मन्जुरी
<p>वासिङ्टन। अमेरिकाको फुड एन्ड ड्रग एडमिनिस्ट्रेसन (एफडीए)ले कोभिड-१९ को महामारी नियन्त्रणका लागि इबोला रोगको औषधी रेमडेसिभिरको प्रयोगका लागि आपतकालीन मन्जुरी दिएको छ। त्यसको जानकारी अमेरिकी राष्‍ट्रपति डोनाल्ड ट्रम्प आफैंले दिएका हुन्।</p>
<p>जबकि, सोही औषधीमाथि चीनमा गरिएको क्लिनिकल परीक्षण असफल भएको विज्ञहरूले बताइसकेका छन्।</p>
<p>उक्त औषधी अमेरिकाको गिलियाड नामक कम्पनीले उत्पादन गर्दै आएको छ। यसअघि चीनमा गरिएको क्लिनिकल परीक्षणको परिणामप्रति कम्पनीले आपत्ती जनाएको थियो। एफडीएबाट दिइएको मन्जुरीप्रति कम्पनीले पहिलो महत्वपूर्ण कदम भन्दै स्वागत गरेको छ।</p>
<p>र, १० लाख सिसी औषधी दानका रूपमा उपलब्ध गराउने घोषणा पनि गिलियाडले गरेको बीबीसीले जनाएको छ।</p>
<p>रेमडेसिभिर एन्टी भाइरल औषधी हो। यसको उत्पादन इबोला रोगको उपचारका लागि शुरु गरिएको थियो।</p>
प्रतिक्रिया दिनुहोस्
.jpg)
