Others

गृहपृष्ठ

नवगठित पार्टीमा शरतसिंह भण्डारीको प्रस्ताव : सामुहिक नेतृत्व, एकल जिम्मेवारी काठमाडौं । नवगठित जनता समाजवादी पार्टी नेपालमा कस्तो नेतृत्व प्रणाली अपनाउनेबारे बहस शुरु भएको छ । नेकपाजस्तो बहुअध्यक्षात्मक प्रणालीमा जाने वा एकल जिम्मेवारीमा जाने भन्&zwj;नेबारे शीर्ष नेताहरूबीच बहस शुरु भएको हो ।  राष्ट्रिय जनता पार्टी नेपालले यसअघि विधान संशोधन गरेर महाधिवेशनपछि एकल नेतृत्वमा जाने निर्णय गरेको थियो । विधान संशोधन गरेर राजपाले ६ जना अध्यक्षमण्डल प्रणालीलाई खारेज गरिसकेकाले नवगठित जनता समाजवादी पार्टी अध्यक्षमण्डल प्रणालीमा जाँदैन । ठूलो अध्यक्षमण्डल बनाएर पार्टी ठीक ढ&zwnj;गले चल्न सक्दैन भन्&zwj;ने राजपा नेताहरूले राम्ररी बुझेका छन् ।  राजपा अध्यक्षमण्डलका संयोजक शरतसिंह भण्डारीले देखापढीसँग कुराकानी गर्दै भने, “सामुहिक निर्णय, सामुहिक नेतृत्व र एकल जिम्मेवारीमा पार्टी जानुपर्ने हो, तर पार्टीभित्र यसबारे औपचारिक छलफल भइसकेको छैन ।”  नवगठित जसपालाई नेकपाकै मोडलमा अघि बढाउने संयोजक भण्डारीको भनाइबाट स्पष्ट हुन्छ । “शीर्ष नेताहरू बसेर निर्णय गर्ने संयन्त्र बन्छ, कुन नेताको के जिम्मेवारी हुन्छ, त्यही अनुसारले काम हेर्नुहुन्छ,” उनले भने ।  राजपाकै अर्का अध्यक्षमण्डलका सदस्य महेन्द्र राय यादवले नेकपा र राप्रपाजस्ता स्थापित पार्टी पनि आफूहरूकै मोडलमा आएको दाबी गरे । एकल नेतृत्वबारे पार्टीको आगामी महाधिवेशनबाट टुंग्याइने उनले बताए । उनले भने, “ठूलै अध्यक्षमण्डल बनाएर त चल्ने स्थिति छैन, विगतका कुराहरू सम्झेर बुझेर अघि बढ्छौं, सामुहिक नेतृत्वमा जान्छौं ।”  लकडाउनका कारण पार्टीको धेरै काम हुन नपाएको राजपा संयोजक भण्डारी बताउँछन् । लकडाउनपछि केन्द्रीय समिति बैठक बस्&zwj;ने र गहन छलफल अघि बढ्ने उनको भनाइ छ । उनले भने, “पार्टी अहिले दर्ता प्रक्रियाको तयारीमा जुटेको छ ।”  समाजवादी पार्टीका नेता शिवजी यादवका अनुसार सामुहिक नेतृत्वबारे पार्टीभित्र छलफल भएको छैन । विधानमा के र कसरी समेटिनेछ भन्&zwj;ने कुरा महत्वपूर्ण हुने उनले देखापढीसँग बताए ।  एकीकरण घोषणा भएको नवगठित पार्टीमा पहिलो वरियताका महन्थ ठाकुर र दोस्रो वरियतामा बाबुराम भट्टराईको मात्र क्रमसंख्या निर्धारण भएको छ । १० वैशाखको मध्यराति राष्ट्रिय जनता पार्टी नेपाल र समाजवादी पार्टीबीच एकताको सहमति पत्रमा हस्ताक्षर भएको थियो ।