लकडाउनमा भोकै परेकालाई निःशुल्क खाना
<p style="text-align:justify">काठमाडौं। काठमाडौं महानगरपालिका वडा नं–१३ सोल्टीमोडका केही समाजसेवीले लकडाउनका कारण भाेकै पर्नेहरूलाई निःशुल्क खानाको व्यवस्था गरेका छन्। </p>
<p style="text-align:justify">दैनिक आयस्रोत कम भइ जीविकोपार्जनमा समस्यामा परेका नागरिकलाई स्पार्क हेल्थ होम हस्पिटल परिसरमा आजदेखि लकडाउनको बाँकी अवधिभर खानाको व्यवस्था गरिएको छ।</p>
<p style="text-align:justify">समाजसेवी देशकुमार श्रेष्ठ, किरणकृष्ण जोशी, रुपेश अधिकारी, इन्द्रबहादुर मानन्धर र रमण शाक्यले उक्त भोजनको प्रबन्ध गरेका हुन्। </p>
<p style="text-align:justify">सामाजिक दूरी कायम कायम गरी व्यवस्थापन भएको पूर्ववडाध्यक्ष रामशरण डङ्गोलले बताए। </p>
<p style="text-align:justify">काठमाडौं महानगरपालिका–१३ ले तीन हजार १०० लाई अहिलेसम्म राहत वितरण गरेको छ।</p>
<p style="text-align:justify">वडाले गत २२ चैतदेखि राहत वितरण शुरू गरेकामा आजसम्म सातपटक खाद्यवस्तु प्रदान गरेको हो। वडा कार्यालयले चामल, चिउरा, दाल, नुन र तेल वितरण गरेको छ। </p>
<p style="text-align:justify">सम्बन्धित घरधनीको घर नम्बर, नागरिकता नम्बर, सम्पर्क नम्बर, सिफारिसका साथै राहत लिनेको नागरिकता नम्बर अभिलेख गरेर राहत दिने मापदण्ड बनाइएको छ।<em> रासस </em></p>
.jpg)
