राष्ट्रपतिलाई भेट्न प्रधानमन्त्री ओली शीतल निवासमा
<p>काठमाडौं। प्रधानमन्त्री केपी शर्मा ओली राष्ट्रपति विद्यादेवी भण्डारीलाई भेट्न राष्ट्रपति भवन शीतल निवासमा पुगेका छन्।</p>
<p>आज साँझ हुने सत्तारुढ नेपाल कम्युनिष्ट पार्टी (नेकपा) को सचिवालय बैठकअघि प्रधानमन्त्री ओली राष्ट्रपतिलाई भेट्न पुगेका हुन्।</p>
<p>राष्ट्रपतिका प्रमुख स्वकीय सचिव भेषराज अधिकारीले साढे चार बजे प्रधानमन्त्री शीतल निवास पुगेको बताए। उनले भने, “यो नियमित भेटघाट हो।”</p>
<p>सरकारले ल्याएका दुईवटा अध्यादेशपछि नेकपाभित्र शक्ति संघर्ष चर्किँदा प्रधानमन्त्री ओलीले राष्ट्रपति भण्डारीसँगको परामर्शलाई तीब्र बनाएका छन्।</p>
प्रतिक्रिया दिनुहोस्
.jpg)
