काेभिड-१९ विरूद्धकाे लडाइँमा सघाउन जर्मनीले २० हजार थान पीसीआर परीक्षण किट दिने
<p>काठमाडाैं। जर्मनीले कोभिड-१९ विरुद्ध जुध्न नेपाल सरकारलाई २० हजार थान पीसीआर परीक्षण किट उपलब्ध गराउने भएको छ।</p>
<p>कोरोना भाइरसको संक्रमण फैलिन नदिने नेपाल सरकारको प्रयासमा सघाउन जर्मनीले पहिलो चरणमा तीन हजार थान पीसीआर परीक्षण किट प्रदान गरिएकाे जनाएकाे छ।</p>
<p>यहाँस्थित संघीय गणतन्त्र जर्मनीको राजदूतावासले आज एक प्रेस विज्ञप्ति जारी गर्दै बाँकी पीसीआर परीक्षण किट र अन्य उपकरण स्थलमार्ग हुँदै चीनबाट ल्याइने बताएको छ। आजै तीन हजार थान पीसीआर किट स्वास्थ्य तथा जनसंख्या मन्त्रालयलाई हस्तान्तरण गरिएको छ।</p>
<p>नेपालका लागि जर्मनीका राजदूत रोलाण्ड सेफेरले महामारीको वर्तमान अवस्थामा गुणस्तरीय स्वास्थ्य उपकरणबाट संक्रमण भए/नभएको परीक्षण गर्नु अपरिहार्य भएकाले सहयोगस्वरूप ती उपकरण उपलब्ध गराइएको बताउका छन्।</p>
<p>यसैबीच जर्मनीले कोभिड-१९ प्रतिकार्यमा सघाउन जर्मन विकास सहयोगमार्फत् नेपाली–जर्मनी स्वास्थ्य परियोजनाका लागि जर्मनीको आर्थिक सहयोग मन्त्रालयबाट अतिरिक्त लगानी गर्ने जनाएको छ। <em>रासस</em></p>
प्रतिक्रिया दिनुहोस्
.jpg)
