सचिवालय बैठकमा ओली र दाहालको आसन एकै ठाउँ, एकै खालका कुर्सी
<p style="text-align:justify">काठमाडौं। सत्तारूढ नेपाल कम्युनिष्ट पार्टी (नेकपा)को बहुप्रचारित केन्द्रीय सचिवालय बैठक बालुवाटारस्थित् प्रधानमन्त्री निवासमा शुरू भएको छ।</p>
<p style="text-align:justify">प्रधानमन्त्री एवं नेकपा अध्यक्ष केपी शर्मा ओलीविरुद्ध पार्टीमा भएको मोर्चाबन्दीका कारण यो बैठकले बढी चर्चा पाएको हो।</p>
<p style="text-align:justify">सरकारले ल्याएका दुईवटा अध्यादेशपछि बढेको विवादकै बीच १७ वैशाखमा बसेको सचिवालय बैठकले आजको बैठक तय गरेको थियो।</p>
<p style="text-align:justify">आजको बैठक शुरू हुँदानहुँदै बालुवाटारस्थित् बैठक हलमा केही फरक दृष्य देखिए।</p>
<p style="text-align:justify">प्रधानमन्त्री एवं नेकपा अध्यक्ष ओली र अर्का अध्यक्ष पुष्पकमल दाहालका लागि एकै खालका कुर्सी र टेबुलको व्यवस्था गरिएको छ।</p>
<p style="text-align:justify">यसअघिका बैठकमा प्रधानमन्त्री ओलीका लागि छुट्टै खाले सिटको व्यवस्था गरिन्थ्यो।</p>
<p style="text-align:justify">खासगरी दोस्रोपटक मिर्गौला प्रत्यारोपण गरेर अस्पतालबाट फर्केपछि प्रधानमन्त्री ओली छुट्टै खालको कुर्सीमा बस्न थालेका थिए।</p>
<p style="text-align:justify">सचिवालय बैठक हुँदा दाहाल उनीभन्दा टाढा बेग्लै प्रकारको आसनमा बस्थे।</p>
<p style="text-align:justify">१७ वैशाखको सचिवालय बैठकमा पनि दुवैको आसन फरक थियो। ओली सबैको सामुन्ने बसेका थिए भने दाहाल अर्को साइडमा थिए।</p>
<p style="text-align:justify">आजको फेरिएको आसनमार्फत् ओलीले बेग्लै ‘जेस्चर’ दिन खोजेको सचिवालयका एक सदस्यले बताए।</p>
.jpg)
