नेपालगञ्ज र सुर्खेतमा अलपत्र हुम्लावासीको उद्धार
<p>बाँके। बाँकेको नेपालगञ्ज र सुर्खेतमा अलपत्र परेका हुम्लावासीकाे उद्धार गरिएको छ।</p>
<p>राष्ट्रिय सडक सञ्जालमा नजोडिएको हुम्लाका उनीहरूलाई हवाई मार्गबाट उद्धार थालिएको हो। हुम्लाबाट अध्ययन, रोजगार र अन्य कामका सिलसिलामा सुर्खेत र नेपालगञ्जमा आएका नागरिकलाई कर्णाली प्रदेश सरकारको पहलमा जिल्ला पुर्‍याउने व्यवस्था गरिएको हो।</p>
<p>लामो समयसम्म लकडाउनमा परी खान र बस्न समस्या भएर अलपत्र परेकाहरूको उद्धार शुरू गरिएको कर्णली प्रदेशका उद्योग, पर्यटन, वन तथा वातावरणमन्त्री नन्दसिंह बुढाले जानकारी दिए।</p>
<p>उद्धार गरेर हुम्ला पठाइएका व्यक्तिलाई सम्बन्धित पालिकासँग समन्वय गरी क्वारेन्टाइनमा राखिने कर्णाली प्रदेशका सामाजिक विकासमन्त्री दल रावलले बताए। <em>रासस</em></p>
प्रतिक्रिया दिनुहोस्
.jpg)
