अफगानिस्तानको मस्जिदमा भएको विस्फोटमा ६२ जनाको मृत्यु
<p>अफगानिस्तानको एक मस्जिदमा हिजो नमाज पढिरहेका बेला भएको बम विस्फोटमा कम्तीमा ६२ जनाको मृत्यु भएको छ।</p>
<p>देशको पूर्वमा पर्ने नन्गाहरमा मस्जिदको छत नै खस्नेगरी भएको विस्फोटमा कैयौँ घाइते भएको बीबीसीले जनाएको छ। बम विस्फोट कसले गरेको भन्ने खुलेको छैन।</p>
<p>तर, उक्त क्षेत्रमा तालिबान र इस्लामिक स्टेट दुवै समूह सक्रिय छन्। दुवैले अहिलेसम्म विस्फोटको जिम्मेवारी लिएका छैनन्।</p>
<p>संयुक्त राष्ट्रसंघले अफगानिस्तानमा हिंसाको स्तर अस्वीकार्य भएको जनाएको भोलिपल्ट यो विस्फोट भएको हो।</p>
<p>राष्ट्रसंघका अनुसार जुलाई र सेप्टेम्बरको बीचमा अफगानिस्तानमा ज्यान गुमाउने गैरसैनिकको संख्या एक हजार १७४ जना थियो।</p>
प्रतिक्रिया दिनुहोस्
.jpg)
