जुम्ला पुगेका ओखलढुंगाका छ मजदूर अलपत्र
<p>ओखलढुंगा। खिजिदेम्बा गाउँपालिका-४ खिजीकातीका छ जना युवा लकडाउनका कारण जुम्लामा अलपत्र परेका छन्।</p>
<p>काठ चिरानको काम गर्न २७ फागुनमा जुम्ला पुगेका उनीहरू लकडाउनका कारण गाउँ फर्कन नसकेका हुन्।</p>
<p>कोरोना भाइरस संक्रमणको त्रासले काम गर्ने अवस्था नभएको र लकडाउनका कारण घर फर्कन पनि नसकेको सुकवीर तामाङले बताए।</p>
<p>लकडाउन लम्बिदैँ जाँदा आफूहरुलाई खान-बस्नसमेत समस्या भएको भन्दै उनीहरूले उद्धारको लागि अपील गरेका छन्।</p>
<p>खिजीदेम्बा गाउँपालिकाका अध्यक्ष वेदबहादुर रोकाले टाढाका अलपत्र नागरिकलाई गाउँ फर्काउन सक्ने अवस्था नरहेको बताएका छन्।</p>
<p>काठमाडौंबाट ७०० जनालाई उद्धार गरिएको भए पनि सवारी पासलगायतको समस्याका कारण जुम्लाबाट ल्याउन नसकिने रोकाले बताए। <em>रासस</em></p>
प्रतिक्रिया दिनुहोस्
.jpg)
