बालुवाटारमा मन्त्रिपरिषद् बैठक जारी, संसद अधिवेशनबारे छलफल
<p>काठमाडौं। मन्त्रिपरिषद् बैठक अहिले बसिरहेको छ।</p>
<p>प्रधानमन्त्री निवास बालुवाटारमा बैठक बसिरहेको प्रधानमन्त्रीका प्रेस सल्लाहाकार सूर्य थापाले जानकारी दिए।</p>
<p>उनका अनुसार नियमित काम कारबाहीका बारेमा बैठकमा छलफल हुनेछ।</p>
<p>आजको मन्त्रिपरिषद् बैठकमा संसद अधिवेशन बोलाउनेबारे पनि छलफल हुने कार्यक्रम रहेको छ।</p>
<p>प्रधानमन्त्री केपी शर्मा ओलीले हिजो पार्टी सचिवालयको बैठकमा संसद् अधिवेशन बोलाउन लागेको जानकारी गराएका थिए। त्यही भएर आजको बैठकमा सो अजेण्डा रहेको बताइएको छ।</p>
<p>सामाजिक दूरी कायम गरेर संसद बैठक बस्न सक्ने गरी व्यवस्थापन कसरी गर्न सकिन्छ भनेर केहीदिन अघि प्रधानमन्त्रीले संघीय संसद भवनको निरीक्षण गरी परामर्श लिएका थिए।</p>
<p>१५ जेठमा आगामी वर्षको बजेट प्रस्तुत गर्नुपर्ने संवैधानिक प्रावधान छ। त्यसअघि सरकारले नीति तथा कार्यक्रम ल्याउनुपर्ने हुन्छ।</p>
<p>त्यस्तै आजको बैठकमा लकडाउन अवधि थप्ने/नथप्ने र कोभिड-१९ रोकथाम नियन्त्रणमा भइरहेका अहिलेसम्म भएगरेका कामको समिक्षा र भावी रणनीतिको विषयमा पनि छलफल हुने बताइएको छ।</p>
प्रतिक्रिया दिनुहोस्
.jpg)
