तीन सुरक्षा अधिकारी सम्मानित
<p>काठमाडौँ। नेपाली सेनाले तीन जना विशिष्ट व्यक्तिहरुलाई ‘हल अफ फेम’ उपाधिबाट सम्मानित गरेको छ।</p>
<p>सम्मानित हुनेमा प्रधान सेनापति पूर्णचन्द्र थापा, सशस्त्र प्रहरी बलका महानिरीक्षक शैलेन्द्र खनाल र सशस्त्र प्रहरी बलका पूर्वमहानिरीक्षक शैलेन्द्र श्रेष्ठ छन्। </p>
<p>नेपाली सेनाको आर्मी कमान्ड एन्ड स्टाफ कलेज शिवपुरीमा सञ्चालित कमान्ड तालीम पूरा गरी सुरक्षा निकायको उच्च नेतृत्वमा पुगेर देशको लागि उत्कृष्ट सेवा पुर्‍याएकोमा उनीहरुलाई सम्मान गरिएको हो। </p>
<p>सन् १९९२ मा स्थापना भएको स्टाफ कलेजमा हाल २६ औँ व्याचको कमान्ड तालीम जारी छ।</p>
<p>अहिलेसम्म ९७२ जना अधिकृतहरुले तालीम लिइसकेको नेपाली सेनाको सैनिक जनसम्पर्क तथा सूचना निर्देशनालयले जनाएको छ। तीमध्ये ७३ जना विदेशी अधिकृतहरु छन्। </p>
<p>कलेजले हिजो शिवपुरीमा आयोजना गरेको कार्यक्रममा कलेजका शिक्षाध्यक्ष एवं उपरथी ईश्वर हमालले सो सम्मान र कलेजको प्रमाणपत्र प्रदान गरे। <br />
</p>
प्रतिक्रिया दिनुहोस्
.jpg)
