'सचिवालयको निर्णयबाट गलत प्रवृति हार्यो, पार्टीले जित्यो'
<p>काठमाडौं। सत्तारुढ नेपाल कम्युनिष्ट पार्टी (नेकपा) का नेता एवं प्रदेश ५ का मुख्यमन्त्री शंकर पोखरेलले नेकपाभित्रका गलत प्रवृति पराजित भएको टिप्पणी गरेका छन्।</p>
<p>हिजो साँझ सम्पन्न नेकपा सचिवालय बैठकको निर्णयलाई उल्लेख गर्दै उनले त्यसबाट पार्टीको भने जित भएको उल्लेख गरेका छन्।</p>
<p>"हिजोको निर्णय कसैको जित वा कसैको हार होइन, यो त गलत प्रवृत्तिको हार र समग्र पार्टीको जीत हो", उनले फेसबुकमा लेखेका छन्।</p>
<p>अध्यादेश प्रकरणपछि नेकपामा चुलिएको विवादले शक्तिसंघर्ष उत्कर्षमा पुगेको थियो।</p>
<p>प्रधानमन्त्री एवं नेकपा अध्यक्ष केपी शर्मा ओलीविरुद्ध मोर्चाबन्दी गरेका अर्का अध्यक्ष पुष्पकमल दाहाल र वरिष्ठ नेता माधवकुमार नेपाललगायतले ओलीको राजीनामा मागेका थिए।</p>
<p>तर, २० वैशाख साँझको सचिवालय बैठकले आत्मालोचनासहित यो असमझदारी अन्त्य गर्ने निर्णय गरेको थियो।</p>
प्रतिक्रिया दिनुहोस्
.jpg)
