किन शतप्रतिशत बढ्यो अण्डाको मूल्य ?
<p>काठमाडौं। बजारमा माग बढेपछि अण्डाको मूल्य प्रतिक्यारेट १५० रूपैयाँ बढेको छ।</p>
<p>लकडाउनको शुरूआती दिनमा प्रतिक्यारेट १५० रूपैयाँमा बिक्री हुँदै आएको अण्डाको भाउ अहिले शतप्रतिशत बढेर ३०० रूपैयाँ पुगेको छ।</p>
<p>बजारमा माग बढ्दै गएपछि कृषकले नै अण्डाको मूल्य बढाएका हुन्। कृषकले व्यापारीलाई अण्डा बेच्दा नै प्रतिक्यारेट २८० रूपैयाँ लिन थालेका छन्।</p>
<p>ह्याचरी उद्योग संघका अध्यक्ष टिका पोखरेलले उत्पादन घट्दै गएको र माग बढ्दै गएपछि मूल्य बढ्नु स्वभाविक भएको बताए।</p>
<p>उनले भने, “देशमा भएका ३२४ वटै ह्याचरीले उत्पादन घटाएका छन्। कतिपय ह्याचरीले त उत्पादन नै गरेका छैनन्।”</p>
<p>यस्तै, भारतमा अण्डा र मासुको मूल्य बढेकाले सीमा क्षेत्रमा नेपाली अण्डाको खपत बढेको उनले बताए।</p>
<p>यसअघि नेपालको भन्दा सस्तो भएकाले भारतमा उत्पादित सेतो अण्डा प्रयोग हुने सीमा क्षेत्रमा अहिले नेपालमा उत्पादित रातो अण्डाको माग बढेको छ।</p>
<p>यसले पनि अण्डाको भाउ बढाउन सहयोग गरेको भन्दै पोखरेलले बताए अझ बढ्न सक्ने आँकलन गरेका छन्।</p>
प्रतिक्रिया दिनुहोस्
.jpg)
