अवैध सालको काठ बरामद
<p>गोरखा। प्रहरीले गोरखा नगरपालिका–१० छेवेटार बजारबाट अवैध सालको काठ बरामद गरेको छ।</p>
<p>बजारनजिकैको बगैँचामा बेवारिसे अवस्थामा राखिएको ४५.४५ थान क्यूफिट काठ बरामद गरिएको डिभिजन वन कार्यालय गोरखाले जनाएको छ ।</p>
<p>बरामद भएको सालको काठ दुई लाख ७२ हजार ७०० रूपैयाँ बराबरको रहेको सहायक वन अधिकृत महेश पौडेलले बताए। </p>
<p>काठ कसले र कहाँ लैजान लागेको हो भन्ने जानकारी नभएकाले प्रहरीसँग समन्वय गरी वन कार्यालयले अनुसन्धान गरिरहेको छ।</p>
<p>बरामद भएको काठ प्रक्रिया पुर्‍याएर लिलामी गरिने छ। </p>
प्रतिक्रिया दिनुहोस्
.jpg)
