एकैदिन १० जनामा कोरोना संक्रमण, नेपालमा संक्रमितको संख्या ६९ पुग्यो
<p>काठमाडौं। नेपालमा आज एकैदिन १० जनामा कोरोना भाइरस संक्रमण देखिएको छ। </p>
<p>नेपालगञ्ज प्रयोगशालामा गरिएको परीक्षणमा त्यहाँ आज एकैदिन ९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।</p>
<p>संक्रमित मध्ये ५ जना पुरुष ४ जना महिला रहेका छन्। उनीहरू ७ देखि ५८ वर्ष उमेर समूह भित्रका रहेका छन्।</p>
<p>नेपालगञ्जमा यसअघि एकजनामा कोरोना संक्रमण पुष्टि भएको थियो।</p>
<p>सबै संक्रमितको स्वास्थ्य अवस्था सामान्य रहेको उनले बताए। संक्रमित सबैलाई उपचारका लागि अस्पताल ल्याउन लागिएको मन्त्रालयले जनाएको छ।</p>
<p>यस्तै, आजै पर्साको वीरगन्ज महानगरपालिका-३ छपकैयामा एक ३६ वर्षीय पुरुषमा कोरोनामा संक्रमण पुष्टि भएको छ।</p>
<p>योसँगै नेपालमा कोरोना संक्रमितको संख्या ६९ पुगेको स्वास्थ्य मन्त्रालयका प्रवक्ता डा. विकास देवकोटाले नियमित प्रेस ब्रिफिङमा जानकारी दिए। </p>
<p>हालसम्म धनगढीमा एक, रुपन्देहीमा एक, भरतपुरमा एक, विराटनगरमा ३१ जना र वीरगञ्जमा ९ जना संक्रमित उपचाररत् छन्।</p>
<p>अहिलेसम्म १६ जना संक्रमित निको भएर घर फर्किसकेका छन्। </p>
प्रतिक्रिया दिनुहोस्
.jpg)
