धनगढीका सुत्केरीलाई पाेषिलाे खाना
<p>कैलाली। लकडाउनका बेला समस्यामा रहेका अतिविपन्न सुत्केरीहरूलाई पोषणयुक्त खाना दिन शुरू गरिएकाे छ।</p>
<p>सुत्केरीहरूलाई पाेषणयुक्त खानाकाे अभाव हुन नदिन नेविसंघ क्षेत्र ५ कैलाली र सुरक्षित मातृत्व सञ्जालको समन्वयमा 'आमा बचाउ, मानवता जगाउ' अभियान शुरू गरिएकाे हाे।</p>
<p>नेविसंघ क्षेत्र ५ का सभापति गजेन्द्रविक्रम शाहीले सुत्केरी आमाहरूलाई पोषणको कमी नहोस भन्नका लागि अभियानको शुरू गरिएकाे बताए।</p>
<p>अभियानलाई देश तथा विदेशबाट सहयोग प्राप्त भइरहेकाे उनकाे भनाइ छ।</p>
<p>उनले अहिलेलाई यो अभियान धनगढी उपमहानगरपालिकामा शुरू गरिएको र पछि अन्य क्षेत्रमा रहेका सुत्केरी आमाहरूलाई समेत पोषण खाना वितरण गरिने बताए। उनका अनुसार पोषण खानाअन्तर्गत २० किलाे चामल, एक लिटर खाने तेल, एक क्यारेट अण्डा, नुन, चिनी एक/एक किलाे, दाल दुई किलाे, आलु पाँच किलाे, डिटोल साबुन दुई थान र मास्क एक थान छ।</p>
<p>अहिलेसम्म नगरका विभिन्न वडाहरूमा ५० जना सुत्केरीलाई घरमै गएर पोषण खाना वितरण गरिएको शाही बताउँछन्।</p>
<p>यो अभियान जारी रहेको बताउँदै उनले आफ्ना वरपर सुत्केरी आमाहरू भए ९८४८६०६६९० मा खबर गरेर सहयोग गरिदिनसमेत आग्रह गरे।</p>
प्रतिक्रिया दिनुहोस्
.jpg)
