नेपालगञ्जमा एकैदिन १५ संक्रमित भेटिएपछि कोहलपुरका नाका ‘सिल’
<p>बाँके। नेपालगञ्जमा एकैदिन १५ जना कोरोना भाइरस संक्रमित भेटिएपछि कोहलपुरमा उच्च सतर्कता अपनाइएको छ।</p>
<p>कोहलपुर प्रवेशको दक्षिणी नाका (नेपालगञ्जसँग जाेडिने) पूर्णरूपमा ‘सिल’ गरिएको छ। आज बसेको सर्वदलीय/सर्वपक्षीय बैठकले कोहलपुर प्रवेश नाका पूर्णरूपमा बन्द गर्ने निर्णय गरेको हो।</p>
<p>नेपालगन्जबाट तरकारी, फलफूललगायत कोहलपुर भित्रने गरेको थियो। अबदेखि एम्बुलेन्स, पानी र ग्यास बाेक्ने बाहेकका सवारीसाधनलाई प्रवेशमा रोक लगाउने निर्णय भएको कोहलपुर नगरपालिकाका प्रेस सल्लाहकार भीम रावतले जानकारी दिए।</p>
<p>उनका अनुसार यसअघि कोहलपुर नगरपालिकाबाट तरकारी, फलफूललगायत बाेक्ने गाडीले लिएका पास पनि फिर्ता लिइनेछ।</p>
<p>बाँकेमा काेभिड-१९ का बिरामी १६ जना फेला परेका छन्।</p>
प्रतिक्रिया दिनुहोस्
.jpg)
