यस वर्षको अन्तिसम्ममा कोभिड-१९ को खोप तयारः ट्रम्प
<p>वासिङ्टन। अमेरिकी राष्‍ट्रपति डोनाल्ड ट्रम्पले सन् २०२० को अन्तिमसम्ममा कोभिड-१९ को खोप तयार भइसक्ने बताएका छन्। </p>
<p>फक्सन्युज टेलिभिजनलाई दिएको अन्तरवार्तामा ट्रम्पले उक्त भविष्‍यवाणी गरेका हुन्। अन्तरवार्ताका क्रममा दर्शकले सोधेका धेरै प्रश्‍नको जवाफ पनि उनले दिएका थिए।</p>
<p>कोभिड-१९ को खोपबारे सोधिएको प्रश्‍नमा उनले भने, ‘यस वर्षको अन्तिमसम्ममा खोप मानिसले खोप पाउन थाल्नेमा मलाई भरोसा छ।’</p>
<p>विद्यालयहरू खोल्नेबारेमा सोधिएको प्रश्‍नमा ट्रम्पले बढी उमेरका शिक्षकहरूको स्वास्थ्य सुरक्षा चिन्ताको विषय बनेको बताए। ‘तर, स्कुलहरू खोल्नु त पर्छ नै,’ उनले भने।</p>
<p>अन्तरवार्ताका क्रममा उनले विपक्षी डेमोक्रेटिक पार्टीका नेताहरूको आलोचना गरे। ‘यस भाइरसको अवस्था खराब भयो भने मात्र उनीहरूको राजनीतिक हितमा हुनेछ,’ उनले भने।</p>
<p>हाइड्रोक्सिक्‍वारोक्‍वाइन औषधी निर्माता कम्पनीमा आफ्नो सेयर नभएको उनले प्रष्‍ट्याए। ‘त्यसैले यसको प्रयोगमा कुनै हानी छैन,’ उनले भने।</p>
प्रतिक्रिया दिनुहोस्
.jpg)
