२४ घण्टामा चीनमा कोभिड-१९ का तीन नयाँ बिरामी
<p>बेइजिङ। पछिल्लो २४ घण्टामा चीनमा कोभिड-१९ का तीनजना मात्र नयाँ बिरामी फेला परेको अधिकारीहरूले बताएका छन्।</p>
<p>चीनको नेसनल हेल्थ आयोगले आज बिहान सार्वजनिक गरेको कोभिड-१९ को अवस्थाबारेको रिपोर्टअनुसार हिजो तीनजना मात्र बिरामी फेला परेका हुन्। ती सबै विदेशबाट आएको चिनियाँ नागरिक रहेको आयोगले जनाएको छ।</p>
<p>शनिबार चीनमा दुईजना मात्र नयाँ बिरामी फेला परेका थिए। बीबीसीका अनुसार बिनालक्षणका बिरामी भने चीनमा लगातार देखिइरहेका छन्।</p>
<p>पछिल्लो २४ घण्टामा यस्ता १३ जना बिरामी फेला परेको आयोगले जनाएको छ। शनिबार त्यस्ता १२ बिरामी फेला परेका थिए।</p>
<p>चीनमा हालसम्म ८२ हजार आठ सय ८० जनामा कोरोना भाइरस संक्रमण देखिएको छ। संक्रमित चार हजार ६ सय ३३ जनाको मृत्यु भएको छ।</p>
प्रतिक्रिया दिनुहोस्
.jpg)
