'परीक्षा केन्द्र थपेर दूरी कायम गरी एसईई संचालनको तयारी'
<p>विराटनगर। प्रदेश १ का सामाजिक विकासमन्त्री जीवन घिमिरेले लकडाउनका कारण स्थगित भएको एसईई परीक्षा संचालन गर्नेबारे छलफल भइरहेको बताएका छन्।</p>
<p>उनले परीक्षा केन्द्रको संख्या थप गरेर दूरी कायम गरी परीक्षा संचालन गर्ने बताए।</p>
<p>२५ वैशाखपछि विद्यालय खुला गरी पठनपाठनलाई निरन्तरता दिनेबारे पनि विभिन्‍न विकल्पमा छलफल भइरहेको मन्त्री घिमिरेले बताएका छन्।</p>
<p>प्रदेशका विद्यालयलाई प्रविधिमैत्री बनाउन ग्रामीण भेगमा इन्टरनेट पहुँचबारे अध्ययन भइरहेको उनको भनाइ छ।</p>
<p><img alt="" height="185" src="https://www.dekhapadhi.com/storage/photos/shares/People/jiwan-ghimire.jpg" style="float:left" width="320" /></p>
<p>मन्त्री घिमिरेले प्रदेश सरकारले आगामी आर्थिक वर्षको बजेट स्वास्थ्य र शिक्षामा केन्द्रित गर्ने जानकारी गराए।</p>
<p>शिक्षा पत्रकार समूहले हिजो, २१ वैशाखमा आयोजना गरेको अनलाइन पत्रकार सम्मेलन तथा अन्तरक्रियामा उनले यसअघिका बजेट भौतिक पूर्वाधारमा केन्द्रित हुने गरेकोमा आर्थिक वर्ष २०७७/७८ को बजेट स्वास्थ्य र शिक्षामा केन्द्रित गरेर ल्याइने जानकारी गराएका हुन्।</p>
<p>विश्वव्यापी महामारी बनेको कोभिड-१९ रोकथाम तथा उपचारका लागि स्वास्थ्य क्षेत्रको पूर्वाधार निर्माणमा बजेट खर्च गरिने मन्त्री घिमिरेले बताए। <em>रासस</em></p>
प्रतिक्रिया दिनुहोस्
.jpg)
