कोभिड-१९ परीक्षणको लक्ष्य पूरा नभएकामा बेलायती स्वास्थ्य मन्त्रीको आलोचना
<p>लन्डन। कोभिड-१९ का दैनिक एक लाख नमूना परीक्षण लक्ष्य पूरा नभएकामा बेलायतका स्वास्थ्यमन्त्री म्याट ह्यान्ककको आलोचना भइरहेको छ।</p>
<p>दी गार्जियनका अनुसार दैनिक ८० हजारभन्दा कम नमूना परीक्षण भइरहेको बताउँदै उनको आलोचना भएको हो। </p>
<p>गत शुक्रबार मन्त्री ह्यान्ककले दैनिक एक लाख नमूना परीक्षणको लक्ष्य पूरा भइरहेको दाबी गरेका थिए।</p>
<p>त्यसलगत्तै दैनिक ४० हजारभन्दा बढी मात्र नमूना परीक्षण भइरहेको र २४ घण्टामा ७६ हजार चार सय ९६ किट वितरण भइरहेको तथ्य सार्वजनिक भएको थियो।</p>
<p>इग्ल्यान्डका नेसनल मेडिकल डाइरेक्टरले भने परीक्षण क्षमता लगातार बढिरहेको तर त्यो एक लाखभन्दा कम रहेको स्वीकारेका थिए।</p>
<p>उनको भनाइ आउनुअघि यातायात मन्त्री ग्रान्ट साप्सले सुरुदेखि नै बेलायतमा नमूना परीक्षण क्षमता ठूलो थियो भने धेरै मानिसलाई बचाउन सकिने अवस्था रहेको बताएका थिए।</p>
प्रतिक्रिया दिनुहोस्
.jpg)
