‘निहारिका’ विमोचन
<p>काठमाडौं। उपन्यास ‘निहारिका’ विमोचन गरिएको छ।</p>
<p>उपन्यासकार प्रकाश तिवारीको तेस्रो उपन्यास ‘निहारिका’ समीक्षक राजकुमार बानियाँ, कथाकार उमा सुवेदी र पत्रकार एवं कथाकार विमल नेपालले सर्वनाम थिएटरमा आयोजित कार्यक्रममा विमोचन गरे।</p>
<p>कथाकार विमल नेपालले उपन्यासबाट लेखकले सामाजिक विभेद्को यथार्थ उजागर गरेको बताए।</p>
<p>समीक्षक राजकुमार बानियाँले लेखकले परम्परागत शैली पछ्याए पनि दलित जनजीवनको स्वर उठाउन सक्नुनै ठूलो कुरा रहेको बताए।</p>
<p>यसअघि उनको २०७२ सालमा ‘परित्यक्त’ र २०७४ सालमा ‘निलोफर’ उपन्यास प्रकाशित भइसकेको छ।</p>
<p>‘निहारिका’मा पनि उनले अन्तरजातीय प्रेमसम्बन्ध र जातीय छुवाछुतको मुद्दा उठाएका छन् ।</p>
प्रतिक्रिया दिनुहोस्
.jpg)
