सांसदद्वय बस्नेत र श्रेष्ठ, पूर्वआइजीपी खनालविरुद्ध अपहरणको उजुरी दर्ता
<p>काठमाडौं। सत्तारूढ नेपाल कम्युनिष्ट पार्टी (नेकपा) का सांसदद्वय महेश बस्नेत, किसान श्रेष्ठ र पूर्व प्रहरी महानिरीक्षक सर्वेन्द्र खनालविरुद्ध अपहरण तथा शरीर बन्धकसम्बन्धी कसूरमा उजुरी दर्ता भएको छ।</p>
<p>जिल्ला सरकारी वकील कार्यालय, काठमाडौंले आज उजुरी दर्ता गरेको हो। सरकारी वकील कार्यालयका सहन्यायाधीवक्ता हरि रेग्मीले तीनैजनाविरुद्धको उजुरी आज दर्ता भएको <em><strong>देखापढी</strong></em>लाई बताए। </p>
<p>सरकारी वकील कार्यालयले उजुरीको अध्ययन गरेर थप प्रक्रियाका लागि प्रहरीलाई पठाउने छ।</p>
<p>तत्कालीन राष्ट्रिय जनता पार्टी (राजपा) नेपालका सांसद डा. सुरेन्द्र यादव आफ्नो अपहरण भएको भन्दै जाहेरी दिन यसअघि महानगरीय प्रहरी परिसर काठमाडौं र जिल्ला सरकारी वकील कार्यालय पुगेका थिए। दुवै ठाउँमा जाहेरी दर्ता गरिएको थिएन। </p>
<p>जिल्ला सरकारी वकील कार्यालयले भने जाहेरी दर्ता गर्न भन्दै गएको दिन अध्ययन गर्न समय लाग्ने भन्दै फर्काएको थियो। उजुरी दर्ता नभए सांसद डा.यादवले राष्ट्रिय मानवअधिकार आयोगमा उजुरी दर्ता गराएका थिए।</p>
प्रतिक्रिया दिनुहोस्
.jpg)
