सुत्केरीलाई हेलिकप्टरबाट उद्धार गरेर काठमाडाैं पठाइयाे
<p>कैलाली। धनगढीस्थित सेती अस्पतालमा उपचार गराइरहेकी एक सुत्केरीको आज हेलिकप्टरबाट उद्धार गरेर काठमाडाैं पठाइएकाे छ।</p>
<p>बझाङ केदारस्यू गाउँपालिकाकी ३३ वर्षीया जानकी रावल ११ दिन अघि सुत्केरी भएकी थिइन्।</p>
<p>पेट सुन्निन थालेपछि उनलाई डडेल्धुरा उपक्षेत्रीय अस्पताल पुर्‍याइएको थियाे। त्यहाँ उपचार सम्भव नभएपछि धनगढीकाे सेती प्रादेशिक अस्पतालमा ल्याइएकाे थियाे।</p>
<p>सेती अस्पतालमा पनि उपचार सम्भव नभएपछि आज सिम्रिक एअरकाे हेलिकप्टरमार्फत् त्रिभुवन विश्वविद्यालय शिक्षण अस्पताल काठमाडाैं लगिएकाे हाे।</p>
<p>सुदूरपश्चिम प्रदेश सरकारकाे एअर लिफ्ट कार्यक्रमअन्तर्गत उनकाे उद्धार गरिएकाे सामाजिक विकास मन्त्रालयले जनाएकाे छ। ११ दिनकी छाेरीलाई भने धनगढीमा नै राखिएकाे छ।</p>
प्रतिक्रिया दिनुहोस्
.jpg)
