खुल्दै आएका बजार पुन: बन्द गर्ने कैलाली प्रशासनको निर्णय
<p>कैलाली। आज अपरान्हदेखि यहाँ लकडाउन कडाइ गरिएको छ।</p>
<p>बाँकेमा १६ जनामा कोभिड-१९ देखिएसँगै कैलालीमा समेत लकडाउनको पालनामा थप कडा गर्ने निर्णय गरिएको हो।</p>
<p>कोरोना भाइरस संक्रमणको जोखिमलाई ध्यान दिँदै अपरान्ह ४ बजेदेखि धनगढीलगायतका बजारहरू पूर्ण रुपमा बन्द गर्ने निर्णय गरिएको कैलालीका प्रमुख जिल्ला अधिकारी यज्ञराज बोहराले बताए।</p>
<p>दुई दिनयता दुई घण्टा लकडाउन खुकुलो पारेको स्थानीय प्रशासनले आजदेखि पुनः कडाई गरेको हो।</p>
<p>जनजीवन सहज बनाउन दुई घण्टा खुकुलो पारिएको लकडाउनमा सर्वसाधारणहरू कामबिनै बाहिर निस्किने र जोखिमको बेवास्ता गर्न थालेपछि पूर्ववत: बन्द गर्ने निर्णय गरिएको प्रशासनले जनाएको छ।</p>
<p>कडाइ गरेसँगै सुरक्षाकर्मीहरूले बजारमा लकडाउन उल्लंघन गर्दै बाहिर निस्किएकाहरूको सवारीसाधन नियन्त्रण तीब्र पारेका छन्।</p>
प्रतिक्रिया दिनुहोस्
.jpg)
