नेपालगञ्जमा आजदेखि तीन दिन निषेधाज्ञा आदेश जारी
<p>नेपालगञ्‍ज। २१ वैशाख एकैदिन १५ जना संक्रमित भेटपछि जोखिमप्रति सतर्कता अपनाउँदै बाँकेको नेपालगञ्‍जमा आजदेखि निषेधाज्ञा जारी गरिएको छ।</p>
<p>हिजो बसेको जिल्ला सुरक्षा समिति र सरोकारवालाको बैठकपछि स्थानीय प्रशासन ऐनअनुसार प्रमुख जिल्ला अधिकारी कुमारबहादुर खड्काले निषेधाज्ञा जारी गरेका हुन्।</p>
<p>निषेधाज्ञा बिहान ११ बजेदेखि भोलिपल्ट बिहान ६ बजेसम्म हुनेगरी लगातार तीन दिनका लागि जारी गरिएको हो।</p>
<p>रानीतलाउमा रहेको सब्जीमण्डी र बीपीचोकस्थित् नेपालगञ्‍ज मेडिकल कजेलसँगैको सब्जी मण्डी बन्द गर्ने निर्णय गरिएको छ।</p>
<p>निषेधाज्ञासँगै सम्भावित संक्रमितहरूको कोभिड-१९ परीक्षणको दायरा बढाउने नेपालगञ्ज उपमहानगरपालिकाकी उपमेयर उमा थापाले बताइन्।</p>
<p>उनले नगरवासीलाई निषेधाज्ञा पालनाका लागि लिखित अपील गरिसकेको बताएकी छन्।</p>
<p>नेपालगञ्‍जमा जम्मा १६ जना कोरोना भाइरस संक्रमित फेला परेका छन्।</p>
प्रतिक्रिया दिनुहोस्
.jpg)
