Others

गृहपृष्ठ

कोभिड-१९ अपडेट: सबैभन्दा बढी प्रदेश १ मा ३१ र प्रदेश ५ मा २४ जना कोरोना संक्रमित काठमाडौं। कोभिड-१९ फैलिन नदिन जारी देशव्यापी लकडाउनको पछिल्लो पटक थपिएको अवधि सकिने दिन नजिकिदै गर्दा संक्रमितको संख्या वृद्धि भइरहेको छ। नेपालमा संक्रमितको संख्या आजसम्म ८२ जना पुगेको छ। त्यसमा धेरै पुरुष छन्। स्वास्थ्य मन्त्रालय अन्तर्गतको इपिडिमियोलोजी तथा रोग नियन्त्रण महाशाखाले आज बिहान अद्यावधिक गरेको तथ्यांक अनुसार संक्रमित भेटिएकामध्ये पुरुष ६१ दशमलबम ७४ प्रतिशत छन्।  आज मात्र बाँकेको नेपालगञ्&zwj;ज उपमहानगरपालिका-८ का ७ जनामा संक्रमण फेला परेको छ। स्वास्थ्य तथा जनसंख्या मन्त्रालयका अनुसार आज संक्रमण पुष्&zwj;टि भएकाहरूमा तीन महिला, तीन पुरुष र एक बालिका छन्। भेरी अस्पतालको प्रयोगशालालामा परीक्षण गर्दा उनीहरूको कोभिड-१९ नतिजा पोजिटिभ आएको हो। यसअघि २१ वैशाखमा एकैदिन त्यहाँ १५ जनाको कोभिड-१९ परीक्षण पोजिटिभ आएको थियो। त्यसअघि नै नेपालगंजमा एकजना भेटिएका थिए। अब नेपालगञ्&zwj;जमा मात्र कोभिड-१९ का बिरामी २३ जना पुगेका छन्। महाशाखाका अनुसार सबैभन्दा बढी प्रदेश १ मा ३१ जना संक्रमित भेटिएका छन्। त्यसमा भोजपुरमा एक, झापामा दुई र उदयपुरमा २८ जना संक्रमित फेला परेका छन्। प्रदेश ५ मा रुपन्देहीमा एक र नेपालगञ्&zwj;जमा २३ समेत २४ जना संक्रमित देखिएका छन्। प्रदेश २ मा १३ जनामा पोजिटिभ देखिएको छ। जसमा पर्सामा सात, बारामा दुई, रौतहटमा तीन र सर्लाहीमा एकजना छन्। सातजना संक्रमित फेला परेको बागमती प्रदेशमा चितवनमा दुई र काठमाडौंमा पाँचजना संक्रमित पाइएको महाशाखाले जनाएको छ। कञ्&zwj;चनपुरमा एक र कैलालीमा चार गरी सुदूरपश्&zwj;चिम प्रदेशमा पाँचजना संक्रमित फेला परेका छन्। त्यस्तै गण्डकी प्रदेशमा बागलुङमा दुईजनामा पुष्&zwj;टि भएको छ। सात प्रदेशमध्ये कर्णाली प्रदेशमा मात्र अहिलेसम्म संक्रमित भेटिएका छैनन्। अहिलेसम्म १६ जना निको भएर घर फर्किएका छ्न्।