न्युजिल्यान्डमा दोस्रो दिन पनि कोभिड-१९ का बिरामी शून्य
<p>वेलिङ्टन। दक्षिणपश्‍चिमी प्रशान्त महासागरमा अवस्थित टापु मुलुक न्युजिल्यान्डमा दोस्रो दिन पनि कोभिड-१९ का नयाँ बिरामी फेला परेनन्।</p>
<p>कोरोना भाइरसको संक्रमण फैलिन नदिन लकडाउनलाई धेरै कडा बनाएयता सुखद् परिणाम देखिएको अधिकारीहरूको भनाइ छ।</p>
<p>बीबीसीका अनुसार न्युजिल्यान्डले एक सातायता लकडाउनको नियमलाई अझ कडा बनाएको छ।</p>
<p>विश्‍वव्यापी महामारीविरुद्ध अपनाइएको रणनीतिले संक्रमण शून्यमा झार्न सफलता मिलेको प्रधानमन्त्री जसिन्डा आर्डेनले बताइन्। “यस सफलताका लागि गर्व गरौं तर कुनै पनि विन्दुमा कोभिड-१९ को महामारी फेरि फैलिन सक्ने कुरामा सतर्क बनौं,” उनले देशवासीलाई सम्बोधन गर्दै भनिन्।</p>
<p>न्युजिल्यान्‍डमा हालसम्म एक हजार एक सय ३७ जनामा कोभिड-१९ पोजिटिभ देखिएको छ। तीमध्ये २० जनाको मृत्यु भएको छ।</p>
प्रतिक्रिया दिनुहोस्
.jpg)
