संघीय संसद्का नवनियुक्त महासचिव गौतमले लिए शपथ
<p>काठमाडौं। संघीय संसद्का नवनियुक्त महासचिव डा. भरतराज गौतमले पद तथा गोपनियताको शपथ लिएका छन्।</p>
<p>सिंहदरबारमा एक समारोहका बीच सभामुख अग्‍निप्रसाद सापकोटाले गौतमलाई शपथ गराएका हुन्।</p>
<p>शपथ ग्रहण समारोहमा राष्‍ट्रिय सभाका अध्यक्ष, उपाध्यक्ष, संसदीय दलका नेता, सचेतक, विभिन्‍न संसदीय समितिका सभापतिलगायतको उपस्थिति थियो।</p>
<p>प्रतिनिधि सभाका सभामुख अग्निप्रसाद सापकोटा र राष्ट्रिय सभा अध्यक्ष गणेशप्रसाद तिमिल्सिनाको संयुक्त सिफारिसमा नेपालको संविधानको धारा १०६ को उपधारा (१) बमोजिम राष्ट्रपति विद्यादेवी भण्डारीले गौतमलाई हिजो नियुक्त गरेकी थिइन्।</p>
<p>पूर्वमहासचिव मनोहरप्रसाद भट्टराईको पदावधि सकिएपछि प्रतिनिधि सभाका सचिव गोपालनाथ योगीले कार्यवाहकको जिम्मेवारी सम्हालेका थिए।</p>
प्रतिक्रिया दिनुहोस्
.jpg)
