रेमिट्यान्स २० प्रतिशतभन्दा बढीले घट्न सक्छ : गभर्नर
<p>काठमाडौं। नेपाल राष्‍ट्र बैंकका गभर्नर महाप्रसाद अधिकारीले आउँदो वर्ष नेपाली अर्थतन्त्रका लागि चुनौतीपूर्ण रहेको बताएका छन्। </p>
<p>कोरोना भाइरस संक्रमणबाट विश्‍व अर्थतन्त्रमा पार्ने प्रभावसँगै नेपालको अर्थतन्त्र पनि निकै चुनौतीपूर्ण रहने गभर्नर अधिकारीले बताए।</p>
<p>आज प्रतिनिधिसभाको अर्थ समितिको बैठकमा गभर्नर अधिकारीले विप्रेषण आप्रवाह कम हुने, पर्यटन आय शून्य हुने र वैदेशिक लगानीमा संकुचन आउने भएकाले अर्थतन्त्रमा चुनौती थपिएको बताए।</p>
<p>विप्रेषणमा २० प्रतिशतभन्दा बढी संकुचन आउन सक्ने उनले उल्लेख गरे। "आउँदो वर्ष हामीलाई विप्रेषण आप्रवाहमा ठूलो प्रेसर पर्दैछ । पर्यटन आय हामी लगभग आशा गर्न सक्दैनौं, त्यसैगरी वैदेशिक लगानी थपिने आशा गर्न पनि गाह्रो छ," उनले भने, "सँगसँगै नेपालबाट हुने निर्यात पनि एकदमै कम हुन्छ। यसले गर्दा हामीलाई वैदेशिक मुद्राको सञ्‍चितिमा पनि दबाब पर्नसक्छ।"</p>
<p>चालु आर्थिक वर्षको मौद्रिक नीतिले लिएका अधिकांश लक्ष्‍य पूरा नहुने स्थिति आइसकेको उनले बताए। कोरोना संक्रमण शुरु भएयता वित्तीय क्षेत्रको ऋण र निक्षेप बढ्न नसकेको उल्लेख गर्दै गभर्नर अधिकारीले अन्तरिक आपूर्ति प्रणालीलाई सुदृढ बनाउन नसकेमा मूल्यमा समेत दबाब पर्ने बताए।</p>
प्रतिक्रिया दिनुहोस्
.jpg)
