गरीब र असहायलाई खाना खुवाउँदै धुर्मुस-सुन्तली फाउण्डेशन (भिडिओसहित)
<p>काठमाडौं। लकडाउनमा न्यून आय भएकाहरूको राहत तथा उद्धारमा जुटेको धुर्मुस-सुन्तली फाउन्डेशनले आजदेखि खाना खुवाउन शुरू गरेको छ।</p>
<p>प्रतिभा बहुउद्देश्यीय सहकारी संस्थासँगको सहकार्यमा फाउण्डेशनले दैनिक एक सयभन्दा बढीलाई नि:शुल्क खाना खुवाउन थालेको हो। </p>
<p>सहकारीमा आवद्ध ललितपुरका गरीब, असहाय, मजदूरहरूलाई लकडाउन अवधिभर खाना खुवाइने फाउण्डेशनले जनाएको छ।</p>
<p>सहकारीका अध्यक्ष माधव तिमल्सिनाका अनुसार सिताराम कट्टेलको प्रस्तावमा नि:शुल्क भोजनको योजना ल्याइएको हो।</p>
<p><img alt="" height="540" src="https://www.dekhapadhi.com/storage/photos/shares/Entertainment/dhurmush suntali .00_29_01_25.Still012.jpg" width="960" /></p>
<p>ललितपुरका सबै वडामा पुगेर घर, टोलमै पुगेर खानाको व्यवस्थापन गरिने तिमल्सिनाले बताए।</p>
<p>खाना पकाउने, घर-टोलमा पुर्‍याउने लगायतको काममा धुर्मुस, सुन्तली, सहकारीसमेतका ३० कर्मचारी परिचालन भएका छन्।</p>
<p>बिहान १० देखि १२ बजेसम्म र बेलुका ५ देखि साढे ७ बजेसम्म कुञ्‍जना घिमिरे आफैं भोजन वितरणको काममा खटिएकी छिन्।</p>
<p> </p>
<p><iframe allowfullscreen="true" allowtransparency="true" frameborder="0" height="550" scrolling="no" src="https://www.youtube.com/embed/XYF4yrELWbQ" style="border:none;overflow:hidden" width="840"></iframe></p>
प्रतिक्रिया दिनुहोस्
.jpg)
