प्रधानमन्त्री ओलीसँग नेकपा अध्यक्ष दाहाल र वरिष्ठ नेता खनालको पालैपालो भेटवार्ता
<p>काठमाडौं। प्रधानमन्त्री केपी शर्मा ओलीसँग नेपाल कम्युनिष्ट पार्टी (नेकपा)का अध्यक्ष पुष्पकमल दाहाल र वरिष्ठ नेता झलनाथ खनालले छुट्टाछुट्टै भेटवार्ता गरेका छन्। </p>
<p>नेकपा अध्यक्ष समेत रहेका प्रधानमन्त्री ओली र अध्यक्ष दाहालबीच बिहान प्रधानमन्त्री निवास बालुवाटारमा भेटवार्ता भएको हो। </p>
<p>त्यसपछि दिउँसो नेकपा वरिष्ठ नेता खनालले बालुवाटारमै प्रधानमन्त्रीसँग भेटवार्ता गरेको प्रधानमन्त्रीका प्रेस सल्लाहकार सूर्य थापाले बताए। </p>
<p>अध्यक्षद्वयबीच २५ वैशाखमा बस्ने स्थायी कमिटी बैठक लैजाने प्रस्तावका विषयमा छलफल भएको बुझिएको छ। </p>
<p>२० वैशाखका बसेको नेकपा सचिवालय बैठकले २५ वैशाखमा स्थायी कमिटी बैठक बोलाउने निर्णय गरेको थियो। </p>
<p>स्थायी कमिटीमा लैजाने प्रस्ताव तयार पार्ने जिम्मेवारी अध्यक्ष दाहाल र महासचिव विष्णु पौडेलले दिइएको छ। प्रस्तावका विषयमा अध्यक्षद्वबीच परामर्श हुँदै आएको छ।</p>
<p>यसैबीच, वरिष्ठ नेता खनालले प्रधानमन्त्री ओलीसँग पार्टीको आन्तरिक घटनाक्रमबारे छलफल गरेको एक नेताले बताए। </p>
<p>दुई नेताबीच स्थायी कमिटी र भोलि बस्ने सचिवालय बैठकका विषमया पनि कुराकानी भइएको बताइएको छ। </p>
प्रतिक्रिया दिनुहोस्
.jpg)
