जसिता भन्छिन्- ‘सडकका जनावरबारे पनि साेचिदिनुस्’
<p>काठमाडौं। लकडाउनका कारण नायिका जसिता गुरुङ घरमै छिन्। फुर्सदमा रहेकी जसिता बेला-बेला बाहिर घर वरपरको वातावरण नियाल्छिन्।</p>
<p>बाहिरी वातावरण देख्दा रमाइलो लागे पनि लकडाउनका कारण सडकका जनावरले खाना नपाएकाेमा भने उनकाे मन खिन्न हुन्छ।</p>
<p>उनले खानेकुरा किन्न निस्किँदा जनावरका लागि पनि सोच्न सबैलाई आग्रह गरेकी छन्। उनी सामाजिक संस्थासँग मिलेर जनावरहरूलाई खाना खुवाउँदै आएकी छन्।</p>
<p>सबैलाई सामाजिक कार्यअन्तर्गत सडकमा रहेका भोका जनावरहरूलाई समेत खाना खुवाउन आग्रह गरेकी हुन्।</p>
<p>उनले कोभिड-१९ को संक्रमणबाट बच्न सबैलाई घरमै सुरक्षित भएर बस्नसमेत आग्रह गरेकी छन्।</p>
<p>नायिका जसिता गुरुङले कुकुरलाई खाना खुवाउँदै गरेको तस्वीर पोष्ट गर्दै यस्तो अपिल गरेकी हुन्। यसअघि नायिका वर्षा सिवाकोटी, वर्षा राउत, स्वस्तिमा खड्का, प्रियंका कार्कीलगायतले पनि जनावरलाई खाना खुवाउन आग्रह गर्दै आएका थिए। </p>
<p>लकडाउनका कारण मानिसहरू घरमै रहँदा सडकका जनावर भोकै रहने गरेको समाचार सार्वजनिक भइरहेका छन्। यस्तो अवस्थामा विभिन्न संघसंस्था तथा व्यक्तिहरूले जनावरलाई समेत खाना खुवाउन थालेका छन्।</p>
प्रतिक्रिया दिनुहोस्
.jpg)
